*PART:- 3*
10:20 P:M
Alekh kareeb 20 min. late pahuncha Pooja k flat main. Lock khol kar ander gaya to dekha k.........Neelu sofe par bathe bathe hi so gayi thi. Alekh dhire se us k samnewali sofe par ja kar baitha. Woh Neelu ko jagana nahin chahta tha. Isiliye woh wahan par chup chap baith kar use dekhta raha.
Neelu bilkul nahin badli.........wohi khubsurti.........wohi masumiyat.........wohi kashish.........abhi bhi us k chehre par nazar aa rahi thi. Bas thoda sa jyada mature lag rahi thi.........sayad haal hi k dino main us k sath hue haadson ki wajah se. Us k chehre se us ki pareshani saaf jhalak rahi thi.
Yeh wohi Alekh tha.........aur yeh wohi Neelu.....!!!! Bas badle the to sirf haalat aur waqt. Jab Pooja ne Alekh ko Neelu k bare main bataya tha.........tab kafi mushkilon se Alekh ne apna expression chupate hue nomal ban kar Pooja se baat ki thi. Us ne Pooja k samne yeh zahir nahin hone diya ki woh Neelu ko janta hai.........bahat kareeb se !!!!!
Achanak Neelu ki aankh khuli aur samne Alekh ko dekh kar chaunk kar khadi ho gayi. Alekh apni seat par ek dam normal ban kar baitha hua tha. Usne kaha:- "Plz be seated Miss. Kapur."
Neelu:- "Tum......Aap yahaan...!!!" Neelu ne hairani se pucha.
Alekh bahat hi calmly bola:- 'Ji.....!!!! Mujhe lagta hai k aap ko Pooja ne mere bare main bataya hoga......!!!"
Neelu sofe par baith gayi aur kaha:- "Us ne aap ka naam nahin liya tha.........us ne sirf itna kaha tha ki woh apne sab se achhe friend ko bhejegi........meri help karne k liye. Jis par main pura bharosa kar sakti hoon."
Alekh:- " Oh.........to agar aap ko yeh baat pahle pata chal gaya hota ki Pooja mujhe bhejne wali hai.........to aap yahan nahin aati???"
Neelu ne apni nazrain jhuka li aur kaha:- "Maine aisa to nahin kaha tha......... main to bas.........
Alekh:- "Let's come to the point.........Miss Kapur! Hum log jis silsile main yahan par hain us bare main baat kar le.....!!!!"
*****************************************************************
Next Day.................................................................................
4:50 p. m
Commissinor Mr. Shakti Chandra's office...............................
Raj door par knock karta hai aur kahta hai:- " May i come in sir !!!!"
Mr. Chandra:- "Come in........Raj!!!!!"
Raj ander aata hai aur kahta hai:- 'Gud evening sir!!!"
Mr. Chandra:- " Gud evening Raj.........& gud to c u again. Plz have a seat!!!"
Raj:- "Thanq sir!!!"
Mr. Chandra:- "Main janta hoon Raj.........k tum aaj kaal kafi busy rahte ho. Lekin is case main..........main kisi aur par bharosa nahin kar sakta."
Raj:- "Koi naya case hai sir......???"
Mr. Chandra:- "Yes......!!! Justice Shekhar Kapur ki murder case ab tum handel karoge. Aur mujhe tum par pura bharosa hai ki tum is main bhi kamiyaab jarur hoge. Yeh rahe us case k order papers......!!!"
Itna kaha kar woh Raj ko kuch papers dete hain. Raj un papers ko lekar kahta hai :- "Thanq sir!!!"
Mr. Chandra:- "Is case main tum jin jin officers ko samil karna chahte ho kar sakte ho.....!!!!"
Raj:- "Sir! Main to yahi chahunga ki is case main bhi mere purane sathi hi mere sath rahen.....!!!!"
Mr. Chandra:- "Done.....!!!! Main aaj hi order paas kar deta hoon. Waise.........raj tum se ek baat puchun.........??? Matlab officially nahin personally!!!"
Raj:- "Ji sir.........puchiye."
Mr.Chandra:- "Kya tum Miss Neelima Kapur.........mera matlab hai k kya tum justice Shekhar Kapur ki beti Neelima ko jante ho.....???? Kyoun ki usi ne personally mujh se request kiya ki yeh case tum handel karo.....!!!!"
Raj pahle toh thoda hairan hua. Phir pata nahin us k dimag main kya aaya woh mushkurate hue bola:- "Nahin sir.....!!!! Main to unhe bilkul bhi nahin janta hun.....!!!! In fact main to yeh bhi nahin janta hun ki woh 'law' ki student hai.........aur yeh bhi nahin janta hun ki woh do mahine pahle ek 'beauty contest' jeet chuki hai.........aur sir.........yeh to main bilkul bhi nahin janta hun ki last month us ne apne b'day manaya tha.....!!!!"
Mr. Chandra hairani se Raj ko dekh rahe the. Phir unhone kaha:- "Raj.........u r just impossible!!!"
Mr. Chandra k sath Raj ka kafi friendly relation tha.....!!!! Aur Neelu k bare main jo kuch bhi us ne bataya tha use us ne news papers main padha tha. Jab us k father ka murder hua tha tab is bare main papers main aaya tha.
*****************************************************************
.............................A.C.P. Raj Malhotra...........................
" Har ek khusi.........har ek gum ko pure dil se jeenewala insaan tha. Sahar main kafi ladkiyan use pasand karte hain. Sirf isliye nahin ki woh handsome hai.........balki isliye bhi ki jyada tar us ki case k news roz papers main aate rahte hain. Career main aaj tak us ka koi bhi case unsolve nahin hua hai. Ek jaan-baz.........ek imandaar.........officer hai Raj.Apna kaam puri imandari se karta hai.....use is se koi farq nahin padta hai k is k liye use kya keemat chukani padegi....woh sirf apni duty pure imaandari se nibhata hai.
Woh apni zindagi pure dil se jeeta hai. Us ki khusi sirf apne bhai.........apne dad.........apne friends.........ko khusi dene main thi. Woh hamesha yahi chahta tha ki us k aas pas k log khush rahen.........mushkurate rahain.........is baat se use koi farq nahin padta hai ki woh ander se kitna khus hai ya phir dukhi.........woh bas apne aas pas k mahaul ko khushiyon se bhara hua dekhna pasand karta tha.
Raj ki kai ladkiyan dost thi.........lekin woh aaj tak ek bhi ladki se personally attached nahin hua.........na to emotionally aur na hi phishically. Woh sirf un sab k sath doston ki tarah thoda hansh bol leta tha bas......!!!
Kahin na kahin Raj ko us pal ka intezar tha.........jab use pyar ka ehsaas ho.........jab use khud ko khone ka ehsaas ho.....!!!!"
..................A.C.P. Raj Malhotra's Group..................
...........................INS. Ali Beg............................
Personally.........ek bahat hi shy nature ka insaan !!!!! Sirf ek hi ladki k aas pas us ki sari duniya basti hai aur khatam bhi hoti hai. Bas use prob sirf itni si hai ki woh apne feelings ko sahi tarike se express nahin kar pate.
Professionally.........ek bahat hi sharp dimag ka officer. Jo har chote se chote chiz ko bhi bahat sare options k sath sochta hai. Ek baar koi chiz tai kar deta hai to use karne k baad hi dam leta hai.
...........................INS. Alekh Malhotra...........................
Personally.........apna time apne dost, apne dad aur apne bhai k sath bitana use pasand hai. Kabhi kabhi mood hua to gana bhi ga leta hai aur guitar bhi achha bajata hai. Kabhi us k zindagi main koi tha magar aaj us ka dil tanha hai.
Professionally.........ek bahat hi achha shooter. 4 1/2 saal ki career main kareeb 9 encounters kar chuka hai. Criminals darte hai us k naam se aur us k gun se. Kaha jata hai ki ek baar agar us k gun k trigger par us ki ungli gayi to koi na koi criminal to jarur marega.
...........................SUB INS. Pooja Ghai...........................
Personally.........kabhi chup na rahnewali aur hamesha kisi na kisi baat ko lekar pareshan rahne wali ladki. Ek hi ladka hai us k zindagi main jise thoda modern banane k chakkar main use roz bahat papad belne padte hain. Lekin woh us se bahat pyar karti hai.
Professionally.........criminals use 'torture queen ya torture specialist' kahna pasand karte hain. Kaha jata hai k us ke hath se pitne wala criminal apne 14 pushton ki history bata deta hai.
...........................Havaldaar Bunty Chaube..........................
Personally.........use sabhi ladkiyan pasand aati hain. Lekin prob yeh hai ki use koi ladki pasand nahin karti. Bhagwan se roz prathna karta hai ki kam se kam ek to pate taki woh us se shadi kar le. Lekin aaj tak ek bhi nahin pati. Use is baat ka bhi bahat dukh hai k aaj tak us ka promotion nahin hua hai.
Professionally.........kisi k bhi sath ghul mil jata hai aur apna kaam asani se hasil kar leta hai.
Raj ko pasand hai in sab ka apne kaam k liye pura dedicated hona aur woh dher sara bishwas......... jo Raj un par karta hai aur woh sab raj par karte hai.
*****************************************************************
7:00 p:m..................................................................................
Cut to Naina.........
Naina apne shop main hi thi. Usne ek black jeans paint aur ek white loose cotton shirt pahni hui thi. Us k baal khule hue the. Is saadgi main bhi woh bahat khubsurat lag rahi thi.
Subah se hi us ka mood kharab tha. Roz subah jo use flowers ki delivery karne aata hai usi k sath Naina ki thodi kaha suni ho gayi thi.
Naina ko Naveen ki yaad aayi. Ek baar Naveen ne us se kaha tha...........................................................................................
"Gum main to sabhi dukhi hote hain.........aur khusiyon main bhi sabhi hansh dete hain.....!!!! Lekin.........Naina!!! Jo apne har ek gum aur har ek khusi ko apni zindagi main ek hi nazar se dekhta hai, us k zindagi main chahe kitne bhi tufan kyoun na aaye woh aasani se har mushkilon ka samna kar leta hai. Woh kabhi kamzor nahin padta. Isiliye Naina......... zindagi main kitne bhi gum kyoun na aaye.........kabhi ghabrana mat.........us ka dat kar mukabila karna......... dekhna.........zindagi kitni aasan ho jayegi. Aur khusiyan kis
tarah se bahain failaye tumhare kareeb aayegi.....................
Naina..................'Zindagi ki hanshi khawab ban kar jeena
Geet k taaza gulab ban kar hashna
Dukh k baadal ko na girne dena
Apne man par kabhi
Tum dharti ki khusbu ban kar jeena'
Cut to Raj n Alekh...................................................................
Alekh drive kar raha tha aur Raj us k pas baitha hua tha. Woh dono 'town hall' ja rahe the. Sonali se milne us k painting exihibition main.
Raj:- "Yeh dad ne kahan fansha diya.........yaar!"
Alekh:- "Chup chap baith aur mujhe drive karne de........."
Thodi der baad Raj ne kaha:- "Are.........Alekh! Main to bhul hi gaya.........dad ne kaha tha us 'Bret lee' ki bahan k liye ek bouquet le jane ko.....!!!!"
Alekh ne hairani se kaha:- "Kis k liye.....????"
Raj:- "Are.........yaar! Wohi sona.........li"
Alekh:-" Age ek flower shop hai. wohin se le lenge.....!!!!"
Cut to Naina..........................................................................
Naina ne notice kiya ki shop ka ander us k favourate 'wind chimp' k threads ulajh gaye hain. Ise Nandini ne Naina ko gift kiya tha aur kaha tha.......................................................
"Naina! Is wind chimp k threads ko kabhi bhi ualjh ne mat dena. Is k threads agar ulajh jayenge to is ki tunning thik se nahin aayegi.....!!!! Aur agar yeh bina uljhe roz achhe se bajte rahenge to tera har din khusiyon se bhara hoga.........aur duniyan walon ki buri nazar se bhi tu bach jayegi."
Naina ne dil hi dil main kaha:- "Khusiyon ka to pata nahin.........lekin haan.........wada kiya tha ki aap ki har baat manugi.........isiliye!!!!!!!!!"
Naina ne ek chair ko khinch kar us wind chimp k niche lekar aayi. Aur us k upar khade ho kar us wind chimp k threads ko suljhane lagi.
Cut to Raj n Alekh....................................................................
Raj aur Alekh flower shop k main door k paas pahunche. Tabhi Alekh ne kaha:- 'Dekh raj! Wahan koi nautanki nahin karega tu.........samjha!!!!! Sonali aur us k family k sath sarafat se pes aayega.....!!!! Nahin to sab kuch dad se bol dunga."
Raj:- "Samajh gaya......!!! In fact maine to yeh bhi soch liya hai ki main wahan par ja kar kya karunga.....!!!!"
Alekh ne hairani se pucha:- "Kya karega tu wahan par ja kar.....????"
Raj:- "Main sab se pahle apne honewale sasur ji ko hug karunga, Phir apni honewali saas maa ko hug karunga phir us sonali ko tightly hug kar k kahunga..................................
itna kah kar Raj shop k main door ko push kar k ander jata hai aur apni sentence complite karte hue kahta hai:- "Chalti hai kya.........9 se 12!!!!!"
Naina ne apne piche se yeh last sentence sun kar chaunki aur piche mudi yeh dekhne k liye ki 'koun hai?'. Lekin woh apne aap par balance nahin rakh payi aur us k pair fisle us chair par se aur woh sidhe giri Raj k upar.
Raj zameen par pada hua tha.........aur Naina us k upar padi hui thi. Dono ek dushre ko hairani se dekh rahe the. Aur Alekh un dono ko hairani se dekh raha tha.
Aaj tak Raj kisi bhi ladki k itne kareeb nahin aaya tha. Woh Naina k har ek dhadkan ko mehsus kar raha tha.........us k saanson ko mehsus kar raha tha.........us ki suni magar gahri ankhon main apna astitva ko khoya hua mahsus kar raha tha. Us k chote magar pyare se honth Raj k ander ek baichaini ko jaga rahi thi. Woh Naina k khushbuon ko apne rag rag main samil hota hua mehsus kar raha tha. Raj apne ander ek ajeeb si magar pyari si feelings ko mahsus kar raha tha. Woh us khusi ko mehsus kar raha tha.........jo us ne aaj tak kabhi mehsus nahin ki thi. Use lag raha tha jaise woh is pal ka.........is ehsaas ka.........is khusi ka.........is khusbu ka .........sadiyon se intezar kar raha tha......
comment:
p_commentcount