Apna nahin tujhe sukh-dukh koi..
Main muskaaya tu Muskaayi..Main roya tu royi
Mere hasne pe..Mere rone pe...Tu balihaari hai
O Maa... O Maa...
Di... Di hoke bhi kabhi Di nahin ban paayi... Hamesha meri Maa ban ke rahi.. Mujhe paala..bada kiya..meri parchaayi ban ke hamesha mere saath rahi... Har kadam har raah pe jab jab mere paer ladkhdaye, unhone sambhala mujhe..
Maa pehle bhi thi woh par ab toh Sahi maayne mein Maa ban gayi hai meri... I am actually out of words.. main pehle kehti thi ki bhale hi mujhe janam nahin diya par DI meri Maa hai..par ab toh main yeh proud se keh sakti hun ki mera punar janam hua hai aur woh janam mujhe meri Di ne diya hai...
Main sochti thi ki humara safar ab khatam hone wala hai.. kuch hi dino mein main sabse door..apni di se door chali jaungi baadlon mein...aur wahin se unhe dekhungi kyunki woh kehte hain na Dil hai k maanta nahin..aur mera Dil toh bilkul hi nahin maanta jab tak main Di ko dekh na lun... Dhadkan dekhi hai aapne kabhi apni?? Maine dekhi hai.. Di ki naak ke neeche jab woh honth smile karte hain na toh lagta hai ki meri saansein..meri dhadkan chal rahi hai...
Ek baar ke liye laga thi ki woh dhadkan ab tham jaayegi... di kabhi has nahin paayengi.. Naa chaah ke bhi main usi hasi ko barkraar rakhne mein naa kamyaab ho rahi thi... Par Di ne apni hasi ko khone nahin diya, meri dhadkano ko thamne nahin diya... But the reality behind all this was Painful.. Itni badi keemat chukaayi unhone meri dhadkano ki gaadi chalti rakhne ke liye... Chutki ko kho diya unhone?
Koi samajh nahi paaya unhe.. aur yahan tak ki Main bhi unhe samajh nahin paayi... Unke tyaag ko paap ka naam de diya maine.. Jab Di ne kaha ki "For a mother, her child comes first; then come the rest. " main samajh hi nahin paayi iss baat ko... Par aaj chutki ko khone ke baad bhi jab di ko muskuraate huye dekhti hun toh samajh aata hai woh unhone mere liye kaha tha...Kuch time ke liye bhool gayi thi..selfish ho gayi thi apni behan ke liye yeh soch ke ki woh apna bacha kho ke khush nahin rahengi... ek pal ke liye bhool gayi thi woh Maa hai meri bhi ..main bhi bacha hun unka... Mujhe kho ke khush kya woh toh zinda bhi nahin reh paayengi...
Main yahan apni importance nahin bata rahi aapko par yeh sachayi hai... Di aisi hi hai... Mannu naam ki beemari unhe bachpan mein hi lag gayi thi... Mere cancer ka toh ilaaj mil gaya par di ki iss beemari ka ilaaj nahin hai iss dunia ke kisi bhi kone mein...
Kaise bhool gayi thi ki Main aatma hun unki... main nahin rehti toh kya hota di ka?
Mera pyar di ke pyar ki barabri nahin kar sakta... kar sakta hota toh main tabhi unhe samajh jaati jab unhone chutki ki bajaye meri jaan bachane ka faisla liya tha...
Bhool gayi thi main Khud ka Di ke liye pyar tabhi unki feelings nahin samajh paayi...
Bhool gayi thi ki jaise meri dhadkane Di ki wajah se chalti hai waise hi unki saanson ki wajah bhi Main hoon...
Bhool gayi thi jaise unhe dekhe bina mera din nahin chadhta waise hi mere bina unki raat raat hi rehti hai, kabhi subah mein nahin badalti...
Bhool gayi thi ki mera zinda rehna matlab unko Zindagi dena hai..
Bhool gayi thi ki meri Di apni Mannu ke liye jo kehti hai woh karke dikhaati hai...
Bhool gayi thi ki meri inhi aankhon se saamne unhone kaha tha ki Meri dor unke haath mein... aur mere liye woh Yamraaj se bhi lad sakti hain... Kar li na ladayi yamraaj ji se...or i should say Deal ki hai.. ek haath de ek haath le.. chutki de di aur mujhe wapis le liya... I am sure Yamraaj ji bhi meri pyari di ki pyari si baaton mein aa gaye honge aur mujhe de ke... uske baad chutki bhi wapis dene ka promise kar diya hoga:)
Kaun kehta hai Di ne bacha giraya hai?? Sab kehte hain.. Haina?? Par is this true? Main bhi yahi samajhti thi par no... Giraya is a wrong word... giraya nahin Bachaya hai..woh bhi apne dono bachon ko... Main na hoti toh Di na khud reh paati aur phir chutki bhi na aa paati... Mujhe bacha ke unhone mere saath saath apni aur chutki ki bhi jaan bacha li... Aur yeh sab main ab samajh paa rahi hun..Kyun?? Kyunki meri antar-aatma badal chuki hai... Yeh naya jeevan hai...meri ragon ko Ganga maiya se bhi pavitra khoon daud raha hai..Meri Di ka.. jo itnaaa pure hai..itna positive hai..shayad isi wajah se main Di ko aur ache se samajh paa rahi hun...
Once I asked her - Aap meri bhagwan ho? aur aaj ke baad yeh sawaal is zubaan pe kabhi nahin aayega coz she has already proved it... She IS my god... God cant be everywhere thats why she made Maa.. and My Maa is My Di.. Meri Angel :)
comment:
p_commentcount