Posted: 11 years ago

Khidki ke saamne Parda pakad ke khadi thi..Saari raat neend nahi aayi Nidhi ko….Zindagi se jab kuchh chahne lago toh bechaini,utkantayein…apne beej dil ki zameen par boh ne lagti hai….

.Ashu bhi bas leta tha…wo nahi dikhana chahta ki Nidhi se jyada dara sehma wo hai..Agar kuchh ulta result huaa toh Nidhi ki ek saal ki tapasya toh jayegi hi…..Nidhi se jyada wo toot jayega aur Jata bhi nahi payega….Nidhi ke liye..Nidhi se jyada usne sapne Dekh rakhein hai Nidhi ke liye..

Subah Ho gayi..Ashu ne Nidhi ko peeche se pakad ke uske baal sehlaya…."Sab theek hoga…dekhna mera Dil keh raha hai"

Nidhi Ashu ka haath pakad ke…"Mujhe apne se jyada aapki fikr hai..Mujhe pata hai..Mujhse jyada mere liye sapne aapne dekein hai…."

"haan aur mujhe poora yaqeen hai..tum mere har khwaab puri karogi..Nidhi mere khwabon ko khud ke liye ek hauslaa banao..ek zanjeer nahi..Tumko pata hai…Mere liye tum jyada mahatwapurn ho..Khwaab naye bhi dekhe jaa sakte hai….."

"Mujhe pata hai Dr Ashutosh….Par maine apni zindagi mein har sapne ko yunhi pura kiya..Maa ka sapna tha Doctor banoon..nahi chahti thi par ban gayi..uske liye itna socha nahi..par ab aapke khwaab meri aankhon mein sama gaye hai..Main bhi shiddat se chahti hoon..Mera PG rank aa jaye…Bas…."…..Achanak Nidhi hansne lagi…..

"kyaa huaa ??"

"Arre jab mera MBBS ka result aane wala tha tab main fail hone ke liye pray karti thi..aur aaj dekhiye"

"Badi ho gayi ho…..Mature…."

"mmm aapke liye nahi….abhi bhi bachchi hoon jab tak hamare bachche nahi hote…"

"wo bhi aa jaayenge..Mummyji ab PGT ban jayengi tab…"

"darr lag raha hai bahut….."…Nidhi Ashu ke T-shirt ko zor se pakad leti hai….

Nidhi ko lag rahaa hai..jaise Duniya kuchh lamhon ke liye kahi sthir ho gayi hai….Aage badha bhi jata hai..sab koi bhul gaya hai….samay itna dheeme sarak rahaa hai ki..Nidhi ko laga ek sec beetne me ek saal nikal jayega…..

Ashu Bebas usse Dekh rahaa hai….Iss laparwaah mast maula ladki ko usne hi PG ke khwaab dikhaye..usse pane ke liye protsahit kiya….Ab Nidhi har keemat par Apne Pati ki ye Ichcha poori  karna chahti hai….

Ek saal usne raat din ek kar ke padhaai ki….Dono Pati patni…raat raat bhar Discussions karte they..MCQs Nidhi solve karti thi..Ashu usse samjhata tha….Hospital aur Padhaai..yahi dono ki duniya thi….

Bahar ki duniya kaisi hoti hai….Kab kaun sa mausam aaya aur gaya….Dhoop barsaat sab bhul gaye they dono….Kitabein….Nidhi-Ashu-Library-Ghar-Net bas duniya khatam unki….

Aur aaj uss Parishram ka parinaam ghosit hona hai…..

Nidhi Panic ke state me Pahunch gayi….Ashu ne usse baithaya aur Haath sehlane laga….Tabhi Phone baja….

"Hello…Haan Dr Rangnath Boliye"

"Sir Good news hai..Dr Nidhi ki 6th Rank aayi hai..PG entrance mein.."..Ranga ki awaaz  mein khusi naach rahi thi….

"Sach..Thanks a lott"..Ashu ne phone Disconnect kiya ..Aur Nidhi ko uthaya baahein pakad ke….
"Nidhi tumhara 6th rank aaya hai…."

"Wattt..sachhh..Dr Ashutosh…..Dr Ashutosh….."

Ashu Ne Nidhi ko gaud me utha liya..aur Bahar aaya…"Baba HK…jaldi aaiye Nidhi ka 6th rank aaya hai..PG entrance mein….."

"Mujhe neeche uthariye..Baa ke pair chune hai mujhe…"

Ashu usse utarta hai….Baba HK ke haath mein mithai hai….Tabhi Gate par dastak hoti hai….

Col verma,DB CS Ranga Anji Solanki couple sab aaye Nidhi-Ashu ko badhaai dene…..

Kayi dino tak jashn manta rahaa..Hospital mein..ghar mein….Chappar phaad ke khusiyaan aayi thi….

Ashu Ko Apni biwi par fakr tha….Nidhi sabko kehti…"Dr Ashu ne mujhe iss laayak banaya hai…"

Nidhi  Paediatricisian banna chahti thi aur Usse wo mil bhi gaya …..Sabse achchi baat thi KGH mein hi….

Din guzarne lagey…Ab Dono Apne Rishte ko aage badhana chahte they….Dono Maa-Pita banna chahte they….

Nidhi ke pedo Department ki HOD Dr Shraff thi..behad hi suljhi aur mamtamayi lady…..Nidhi ki Bachchon ke prati lagaw tatha apne kaam ke prati dedication dekh kar kafi pravabit thi….

Nidhi Bachchon ke saath khud ko iss had tak jod deti ki har bachcha/bachchi usko pyaar kiye bina nahi reh paata tha…..

Chote se bachche ko jab Nidhi Apne gaud me leti..uska Dil bhi machalne lagta khud ke bachche ke liye….Dr Ashu aur uska Bachcha…..Chota sa masoom sa..jo uski Duniya Gulzaar kar dega….

Aise hi ek din Wo round par thi..jab Dr Shraff Ne usse bulaya….

"Ji Madam aapne mujhe Bulaya…."

"Haan Nidhi Maine tumhari kaabiliyat dekhi hai…Isliye main chahti hoon..Tum ab Surgery karna start kar do independently"

"But Madam Surgery toh 2nd year se start hoti hai na….."….Nidhi ko biswas nahi ho rahaa tha jo usne suna…..

"Haan par ear tube surgery bahut common surgery hai..mujhe lagta hai..tum kar paogi Mujhe tumpar trust hai…Ek case hai…Gareeb pariwaar hai..humlog free mein Surgery kar rahein hai…ye shubh kaam tumse hi ho..kyu?"

"Mam Aap mujh par trust karti hai..par mujhe khud par abhi bharosa nahi hai.."

"Nidhi tumne kitne case assist kiye hai..ek na ek din to tumhe independent kaam karna hi hai..phir iss case se kyu nahi…."

Nidhi Asmanjas me thi..usne khud ko abhi is ke liye mentally prepare nahi kiya tha..use laga kisi ne bina bole uski aur Ball fenk diya hai..aur chahta hai wo bina chaunkhe usse catch kar le……

"Mam main apne Husband se discuss kar ke aapko bataungi.."

"Nidhi maine Dr Ashu ko ye baat bataya hai..unhone hi mujhe bola unki Wife bahut kaabil hai…jarur karaiye surgery…"

Nidhi Ko khushi bhi huyi aur gussa bhi aaya…Dr Ashu uski kaabiliyat ki kitni izzat karte hai..par Usse puche bina..Dr Shraff ko green signal kyu diya?... Aasmaan se barish ki boondon ke sath aag ki laptein bhi gir rahi hai…..

"Ji main batati hoon kal…."

"jaldi batana parso surgery hai…"

Nidhi nikal kar Seedhe Dr Ashutosh ke cabin mein pahunchi..Wo surgery kar ke aaye they..Thak kar bas Chair par baithne wale they….

"mujhe kuch bhi batana zaruri nahi hai aapke liye ab??"

Chair par baith ke..haathon ko apne gaal par rakh kar Ashu bas Nidhi ko dekhta raha….

"main kuchh pooch rahi hoon….."

"haan sun raha hoon..kaun si baat detail me batao.."

"Dr shraff ko aapne bol diya ki main Surgery karoon…main abhi taiyaar nahi hoon…."

Ashu chair se utha….Nidhi ko pakad ke table par baithaya….Nidhi usko dekh rahi thi..phir usko zor se Bahon mein bhar liya….Nidhi ko pata hi nahi..kab uska Gussa kahin udd gaya..Wo bhi Ashu ko kas ke pakad li…..Ashu ne uske chehre se uskeBaal hathaye….Uske gaal par ek kiss diya….Nidhi phir se Ashu se lipat gayi….

"Mujhe abhi surgery nahi karni..Darr lag rahaa hai…."

Ashu ne uske hothon par Kiss kiya….Phir pucha..

"Ab bhi.."

"Mazaak mat kijiye…."

"Nidhi mujhe bharosa hai tum par…par tumhe khud par bharosa karna hoga..ye haarne ka darr khud se nikal do…"

"Aap jo mujh par itna bharosa karte hai usse…"

"kyaa.."

"Kuchh nahi main surgery karungi…."

Ashu muskura deta hai….

OT mein Nidhi Jaati hai…..Uske haath paon fulne lage….Uske palms bilkul thande they wo bhaag jana chahti thi…par usse Ashu ka chehra Dikha…Usne khud ko calm kiya….Baar baar khud ko bola.."u can do it Nidhi….U can.."

Surgery start huaa first 15 mins sab theek tha….Nidhi Thodi relax huyi…Achanak se Usne dekha Baby Ko bahut jyada bleeding hone lagi….

Nidhi Darr gayi…Bleeding bandh karne ki har koshish ki Cauteriztion…bhi kiya but Nahi ho raha tha..pulse was drpping…Usne chillaya..

"Dr Shraff ko bulaiyeee jaldi….."

Staff turant Dr Shraff ko le kar aaya…..

"Ohh God Nidhi tumne kya Artery ligate ki thi??….."

Nidhi ko dhakka laga..wo itni laparwaah nikli…..Wo bilkul chupp ho gayi..Ankhein neechi …uske saamne Sab kuchh gol gol ghumne lagaa….Uske andar bas ek hi awaaz aa rahi thi….

I failed As a doctor..mere kaaran iss bachchi ki jaan khatre mein hai……

"Dr Shraff please save this child…..please.."

"Dr Nidhi I will…."

Nidhi wahan statue jaisi khadi rahi….Surgery theek rahaa….

Nidhi bahar nikli bina kisi ko bole..Ashu ke paas gayi….

Ashu-Ghabraya huya…"Kyaa huaa Nidhi??"

Nidhi dheeme awaaz mein…"Main haar gayi Dr Ashutosh…Main chchi Doc nahi hoon..Wo Bachchi meri wajah se aaj mar jaati"

Ashu Nidhi ka haath pakadta hai…"Nidhi ye phase har Doctor ki life mein aati hai..tumne kya samjha tum pehli baar kuchh karogi aur wo waisa hoga jaisa tum chahogi..Nahi Nidhi..Main Dr Shraff sab iss daur se guzar ke aaj iss kaabil Doc bane hai…Mujhe pata hai..maine khud ko kitna kosa hai..par Tumhe manna hoga tum insaan ho tumse galtiyaan hongi..par unn galtiyon se seekho..unhe le kar mat baitho.."

"Main Achchi Doc ban paaungi na.."

"Ban paaungi matlab….Tum ho…Ek raat amavasya ho to har raat chaandvihin hoti hai kyaa??"

"Dr Ashutosh….Aap mere saath rahenge to main har jung jeet lungi….."

"Main to hoon Nidhi tumhare saath…..Bas tum muskura do…"

"Mai kayi raat so nahi paaungi..Uss bachchi ka chehra meri aankhon me ghumega…"

"ye normal hai Nidhi khud par sakht mat hona..yaad rakho tum ek Doctor ho..tumhe har haal me patients ke prati dedicated rehna hai….."

"Dr Ashutosh…..I love you very much.."

Nidhi Ashu Ka shirt pakad ke Rone lagti hai..Ashu usse rone deta hai…..

Posted: 11 years ago
Wonderful writing jaanu...👏

Ashu Ne Nidhi ko gaud me utha liya..aur Bahar aaya…"Baba HK…jaldi aaiye Nidhi ka 6th rank aaya hai..PG entrance mein….."

btw, iske baad thoda romance dalti to aur maza aata 😳
Posted: 11 years ago
super hillarious os rabz,sachmuch sentimental se bhara.liked your Hindi writing so much
Posted: 11 years ago
awesome rabzy just awesome...iska 50% dikha denge na serial mein to bahot ho jayega..
Posted: 11 years ago
@teddy, FB like button is missing from ur post re!!
Posted: 11 years ago
Cute os...Love their dedication to each other ..
Posted: 11 years ago
chaar ghante baad mein comment karungi..book mark karke rakha😊
Posted: 11 years ago
Great OS...👏 U hav an amazing command over language😛
Posted: 11 years ago
Superb Rabzie. Wish some of it would be telecast😃
Posted: 11 years ago
Originally posted by debaparna77


Wonderful writing jaanu...👏

Ashu Ne Nidhi ko gaud me utha liya..aur Bahar aaya'"Baba HK'jaldi aaiye Nidhi ka 6th rank aaya hai..PG entrance mein'.."

btw, iske baad thoda romance dalti to aur maza aata 😳

but mujhe yehi concept sujha main isse do part mein likhna chahti thi..but ek part me hi khatam kiya..😭

Related Topics

No Related topics found

Topic Info

12 Participants 31 Replies 4296Views

Topic started by rabzonedge

Last replied by rabzonedge

loader
loader
up-open TOP