new to shair o shayari

Hi all 

Bharkayen meri pias ko aksar teri aankhain
Sehra mera chehra he samander teri aankhain
Phir bhala kon daad e tabassum unhein de ga
Rooyen gi buhat mujh se bicher ker teri aankhain
Bojhal nazar aati hein bazahir mujhe laikin
Khulti hein buhat dil mein utar ker teri aankhain
Ab tak meri yadoon se mitaye nahi mit'ta
Bheegi hui sham ka manzar, teri aankhain
Mumkin ho to ik taza ghazal aur bhi keh loon
Phir aurrh na lein khuab ki chader teri aankhain
Yun dekhtey rehna usay achaa nahi Mohsin
Woh kaanch ka paiker hey to pather teri aankhain

Ho gaee mulaqaat aankhon aankhon main,,

Sadiyoun say piyaasi thee mohabbat,,

Ho gaee bersaat aankhon aankhon main,,

Mil na saka tha dil kabhi dil say,,

Ho gaee mulaqaat aankhon aankhon main,,

Ahad-e-wafa or qasmoon ki bhi,,

Ho gaee shuruaat aankhon aankhon main,,

Day diya dil aik doojay ko,,

Ho gaee soghaat aankhon aankhon,,

main Sab rasmoon riwajoon ko,,

,,Saqi

Ho gaee maut aankhon aankhon main,,

Ye aur baat teri gali mein na aayen hum
lekin ye kya ki shahar tera chod jayen hum
muddat hui hai ku-e-butan ke taraf gaye
aavaragi se dil ko kahan tak bachayen hum
shayad baqaid-e-zist ye saat na aa sake
tum dastan-e-shauq suno aur sunayen hum
benur ho chuki hai bahut shahar ke faza
tarik raston mein kaheen kho na jayen hum
us ke bagair aj bahut jee udas hai
'jalib' chalo kaheen se use dhundh layen hum