Shayri ( My Collection) - Page 3

Neend Walo'n Ko Khabar Kya Iski, Kon Jaga Hai Rat Bhar Tanha 

Log Soyein Kaheen Band Kamro'n Main, Chand Bhatakta Hai Da-Ba-Dar Tanha 

Sath Deta Hai Kon Manzil Tak, Sath Chalti Hai Rehguzar Tanha 

Shehr Ka Shehr Bujha Jata Hai, Ja Raha Hai Wo Apnay Ghar Tanha 

Aey Gham-E-Zindagi Ke Raat Ke Chand, Dhoond Mujhko Nagar Nagar Tanha 

Wo Jo Hansta Tha Ehl-E-Dil Pe Kabhi, Ro Para Khud Ko Dekh Kar Tanha 

Bhool Kar Apnay Husn Ke Adaab, Meray Dil Main Kabhi Utar Tanha 

Ye Khudao'n Ka Daur Hai, Is Main Reh Gaya Faqat Bashar Tanha 

Yad Aye Hazaar Shehr Mujhay, Jab Bhi Dekha Koi Khandar Tanha 

Is Bharay Shehr Main 'Mohsin' Anjuman Tha Koi Magar Tanha...!!

Kuch Na Kuch Hijr Main Tootay To Sahi 

Hum Wahan Par Hi Basa Lein Khud Ko 

Wo Kabhi Raah Main Rokay To Sahi 

Sabsay Hat Kar Hi Manana Hai Usay 

Hamsay Ik Bar Wo Roothay To Sahi 

Dil Usi Waqt Sanmbhal Jayega 

Dil Ka Ehwaal Wo Poochay To Sahi 

Uski Nafrat Bhi Mohabbat Hogi 

Meray Baray Main Wo Sochay To Sahi 

Uskay Sab Jhoot Bhi Sach Hain 'Mohsin' 

Shart Itni Hai Wo Bolay To Sahi...!!!

Yaad Karna Bhi Usay Roz Bhula Bhi Dena 

Kya Kahoon Ye Meri Chahat Hai Ya Nafrat Uski 

Naam Likhna Bhi Mera Likh Ke Mita Bhi Dena 

Phir Na Milnay Ko Bicharta To Hoon Tujhsay Lekin 

Murr Ke Dekhoon To Palatnay Ki Dua Bhi Dena 

Khat Bhi Likhna Isay Mayoos Bhi Rehna Is Se 

Jurm Karna Bhi Magar Khud Ko Saza Bhi Dena 

Mujhko Rasmon Ka Takalluf Bhi Ganwara Lekin 

Jee Main Aye To Ye Deewar Gira Bhi Dena 

Is Se Mansoob Bhi Kar Lena Puranay Qissay 

Raasta Koi Kisi Tarha Wahan Ja Niklay 

Lutf Lautayengay Ab Sookhtay Honton Ka Usay 

Ek Muddat Se Tamannaa Thi Wo Pyasa Niklay 

Phool Sa Tha Jo Tera Saath Teray Saath Gaya 

Ab To Jab Niklay Kabhi Shaam Ko Tanha Niklay 

Hum Faqeerana Mijaazon Ki Na Poocho 

Hamnay Sehraa Main Pukara Hai To Dariya Niklay 

Pehlay Ek Ghaav Tha Ab Sara Badan Chalni Hai 

Ye Shifa Bakhshi Ye Tum Kaisay Maseeha Niklay 

Mat Kuredo Na Kuredo Meri Yaadon Ke Alaav 

Kya Khabar Phir Wo Sulagta Hua Lamha Niklay 

Hamnay Roka To Bahut Phir Bhi Yun Niklay Aansoo 

Jaisay Patthar Ka Jigar Cheer Kar Jharna Niklay...!!!

Mainay Jee Bhar Ke Gulabon Ki Kharidari Ki 

Halat-E-Hijr Main Filhal Sukoon Milnay Laga 

Nasha-E-Dard Ne Awaz Nahi Bhari Ki 

Warna Ye Log Mujhay Tumsay Juda Kar Detay 

Mainay Danista Mohabbat Main Adakari Ki 

Ishq Main Mera Bhi Deewangi Maslak Hai 

Mainay Is Wastay Majnu Ki Tarafdari Ki 

Phool Khiltay Hi Koi Bichra Hua Yaad Aya 

Mainay Khushi Ke Mausam Main Ashkbari Ki...!!!

Dil Main Utri Hai Ajab Sokhta Jan Sham-E-Firaaq 

Khwab Ki Raakh Sametay Gi Bikhar Jayegi 

Soorat-E-Shola-E-Khursheed Rukha'n Sham-E-Firaaq 

Baais-E-Raunaq-E-Arbaab-E-Junoo'n Veerani 

Haasil-E-Wehshat-E-Aashufta-Saran Sham-E-Firaaq 

Teray Meray Sabhi Iqraar Waheen Bikhray Thay 

Sar Jhukaye Hue Bethi Hai Jahan Sham-E-Firaaq 

Apnay Maathay Pe Saja Le Teray Rukhsar Ka Chand 

Itni Khush-Bakht-O-Falak-Naaz Kahan Sham-E-Firaaq 

Dhaltay Dhaltay Bhi Sitaro'n Ka Lahu Mangti Hai 

Meri Bujhti Hui Ankho'n Main Rawaan Sham-E-Firaaq 

Ab To Malboos Badal Kaakul-E-Be-Rabt Sanwaar 

Bujh Gayeen Shehr Ki Sab Roshniyan Sham-E-Firaaq 

Kitni Sadiyo'n Ki Thakan Is Ne Sameti 'Mohsin' 

Ye Alag Baat Ke Ab Tak Hai Jawan Sham-E-Firaaq...!!!

Kal Rat Bazm Main Jo Mila Gulbadan Sa Tha 
Khushboo Se Uskay Lafz Thay Chehra Chaman Sa Tha 
Dekha Usay To Bol Paray Uskay Khad-O-Khal 
Poocha Usay To Chup Sa Raha, Kam Sukhan Sa Tha 
Tanhaiyo'n Ki Rutt Main Bhi Lagta Tha Mutmae'n 
Wo Shakhs Apnay Ap Main Ek Anjuman Sa Tha 
Socha Usay To Mai Kayi Rango'n Main Kho Gaya 
Alam Tamam Uskay Haseen Peyrahan Sa Tha 
Jo Shaakh, Shaakh Thi Wo Usi Ke Labo'n Se Thi 
Jo Phool Khil Gaya Tha Wo Usi Ke Dehan Sa Tha 
Wo Saadgi Pehen Ke Bhi Dil Main Utar Gaya 
Uski Har Ek Ada Main Ajab Bholapan Sa Tha 
Asaan Samjh Rahay Thay Usay Shehr-E-Jan Ke Log 
Mushkil Tha Is Qadar Ke Meray Apnay Fun Sa Tha 
Wo Guftgu Thi Uski, Usi Ke Liye Hi Thi 
Kehnay Ko Yun To Main Bhi Shareek-E-Sukhan Sa Tha 
Taray Thay Chandni Main Ke Tohmat Ke Daagh Thay 
'Mohsin' Kal Aasman Bhi Meray Kafan Sa Tha...!!!

Kab Talak Shab Ke Andheray Main Sehar Ko Tarsay 
Wo Musafir Jo Bharay Shehr Main Ghar Ko Tarsay 
Aankh Thehray Hue Paani Se Bhi Katraati Hai 
Dil Wo Rehru Ke Samandar Ke Safar Ko Tarsay 
Mujhko Us Qehat Ke Mausam Se Bacha Rab-E-Sukhan 
Jab Koi Ehl-E-Hunar, Arz-E-Hunar Ko Tarsay 
Ab Ke Is Taur Musallat Hua Andhera Har Suu 
Hijr Ki Raat Meray Deeda-E-Tar Ko Tarsay 
Umr Itni To Ata Kar Meray Fun Ko Khaaliq 
Mera Dushman Meray Marnay Ki Khabar Ko Tarsay 
Usko Paa Kar Bhi Usay Dhoond Rahi Hain Ankhein 
Jaisay Pani Main Koi Seep Gohar Ko Tarsay 
Na Shanasayi Ke Mausam Ka Asar To Dekho 
Aaiina Khaal-O-Khadd-E-Aaiinagar Ko Tarsay 
Ek Duniya Hai Ke Basti Hai Teri Ankho'n Main 
Wo To Hum Thay Jo Teri Ek Nazar Ko Tarsay 
Shor-E-Sursar Main Jo Sar Sabz Rahi Hai 'Mohsin' 
Mausam-E-Gul Main Wohi Shakh Samar Ko Tarsay...!!!

Bahut Khamosh Reh Kar Jo Sazayein Mujhko Deta Tha 
Baray Khamosh Lehjay Main Sadayein Mujhko Deta Tha 
Kabhi Jo Dard Ki Aatish Mujhay Sulganay Lagti Thi 
Wo Apni Saans Ki Mehki Hawayein Mujhko Deta Tha 
Usay Main Ajnabi Samjha Magar Har Morr Par 'Mohsin' 
Wo Apnay Nam Ki Sari Duayein Mujhko Deta Tha...!!!

Main Kyun Na Tark-E-Talluq Ki Ibteda Karta 
Wo Door Dais Ka Baasi Tha Kya Wafa Karta 
Wo Meray Zabt Ka Andaza Karnay Aaya Tha 
Main Hans Ke Zakhm Na Khata To Aur Kya Karta 
Hazaar Aainay Khano'n Main Bhi Na Paa Saka 
Wo Aaina Jo Mujhay Khud Se Aashna Karta 
Dar-E-Qafas Pe Qayamat Ka Habs Tha Warna 
Saba Se Zikr Tera Main Bhi Sun Liya Karta 
Meri Zameen Tu Agar Mujhko Raas Aa Jati 
Main Rifaton Main Tujhay Aasman Sa Karta 
Gham-E-Jahan Ki Mohabbat Lubha Rahi Thi Mujhay 
Main Kis Tarha Teri Chahat Pe Aasra Karta 
Agar Zuban Na Kat'ti To Shehr Main 'Mohsin' 
Main Patthro'n Ko Bhi Ek Roz Hamnawa Karta...!!!