Shayri ( My Collection) - Page 6

Hussain

@.Hussain.

IF-Stunnerz

Posted: 11 years ago

Kabhi Khwabo'n Main Mila Wo To Khayalo'n Main Kabhi
Raah Chaltay Na Mila Din Ke Ujalo'n Main Kabhi
Zindagi Hamsay To Is Darja Taghaful Na Barat
Hum Bhi Shamil Thay Teray Chahnay Walo Main Kabhi
Jinka Hum Aj Talak Pa Na Sakay Koi Jawab
Khud Ko Dhunda Kiye Un Talkh Sawalo'n Main Kabhi
Thori Ruswayi Tumhari Bhi To Hogi Yaro
Chhap Gaye Shair Hamaray Jo Risalo'n Main Kabhi...!!!

2

Reply

Quote

Hussain

@.Hussain.

IF-Stunnerz

Posted: 11 years ago

Safar Tanha Nahi Kartay
Suno Aisa Nahi Kartay
Jisay Shaffaf Rakhna Ho
Usay Maila Nahi Kartay
Safar Jiska Muqaddar Ho
Usay Roka Nahi Kartay
Teri Ankhein Ijazat Dein
To Hum Kya Kya Nahi Kartay
Chalo Tum Raaz Ho Apna
Tumhein Afsha'n Nahi Kartay
Jo Dhun Ho Kar Guzarnay Ki
To Phir Socha Nahi Kartay
Kabhi Hansnay Se Dartay Hain
Kabhi Roya Nahi Kartay
Teri Ankhon Ko Parhtay Hain
Tujhay Dekha Nahi Kartay
Ye Oonchay Pe'd Kaisay Hain
Kaheen Saya Nahi Kartay
Sehar Se Pooch Lo 'Mohsin'
Ke Hum Soya Nahi Kartay...!!!

2

Reply

Quote

Hussain

@.Hussain.

IF-Stunnerz

Posted: 11 years ago

Dil Ishq Main Be-Payan, Sauda Ho To Aisa Ho

Dariya Ho To Aisa Ho, Sehra Ho To Aisa Ho

Hamsay Nahi Rishta Bhi, Hamsay Nahi Milta Bhi

Hai Paas Wo Betha Bhi, Dhoka Ho To Aisa Ho

Wo Bhi Raha Be-Gaana, Hamnay Bhi Na Pehchana

Haan Aey Dil-E-Deewana, Apna Ho To Aisa Ho

Hamnay Yahi Manga Tha, Usnay Yahi Bakhsha Hai

Banda Ho To Aisa Ho, Daata Ho To Aisa Ho

Is Daur Main Kya Kya Hai, Ruswayi Bhi Lazzat Bhi

Kaanta Ho To Aisa Ho, Chubhta Ho To Aisa Ho

Aey Qais Junoon Paisha, 'Insha' Ko Kabhi Dekha?

Wehshi Ho To Aisa Ho, Ruswa Ho To Aisa Ho...!!!

2

Reply

Quote

Hussain

@.Hussain.

IF-Stunnerz

Posted: 11 years ago

Aadmi Aadmi Ko Kya Dega
Jo Bhi Dega Wahi Khuda Dega
Mera Qaatil Hi Mera Munsif Hai
Kya Meray Haq Main Faisla Dega
Zindagi Ko Qareeb Se Dekho
Iska Chehra Tumhay Rula Dega
Hamsay Poocho Dosti Ka Sila
Dushmano Ka Bhi Dil Hila Dega
Ishq Ka Zeher Pi Liya 'Faakhir'
Ab Maseeha Bhi Kya Dawa Dega...!!!

2

Reply

Quote

Hussain

@.Hussain.

IF-Stunnerz

Posted: 11 years ago

Mujhsay Kehta Hai Kabhi Dil Main Malaal Atay Hain
Kaisay Kaisay Meray Dushman Ko Sawaal Atay Hain
Ye Jo Hum Rotay Hain Chup Kar Kabhi Tanhayi Main
Rafta Rafta Tujhay Ankhon Se Nikaal Atay Hain
Hum Mohabbat Pe Bhi Ehsaan Koi Rakhtay Nahi
Naikiya'n Kartay Hain, Dariya Main Daal Atay Hain
Bas Isi Khauf Se Soye Nahi Ik Muddat Se
Hijr Milta Hai Agar Khwab-E-Wisaal Atay Hain
Phool Khil Jayein To Us Shakhs Se Kam Kam Milna
Aisay Mausam Main Mohabbat Pe Zawaal Atay Hain...!!!

2

Reply

Quote

Hussain

@.Hussain.

IF-Stunnerz

Posted: 11 years ago

Chalo Ishq Nahi Chahnay Ki Adat Hai

Kya Karein Ke Hamein Ek Dusray Ki Adat Hai

Tu Apni Sheesha Gari Ka Na Kar Hunar Zaaya

Main Aaina Hoon, Mujhay Tootnay Ki Adat Hai

Wisaal Main Bhi Wohi Faaslay Saraab Ke Hain

Ke Usko Neend, Mujhay Ratjagay Ki Adat Hai

Tera Naseeb Hai Aey Dil Sada Ki Mehroomi

Na Wo Sakhi Hai, Na Tujhay Mangnay Ki Adat Hai

Ye Khud-Aziyat Bhi Bhala Kab Tak 'Faraz'

Tu Bhi Usay Na Kar Yad, Jisay Bhoolnay Ki Adat Hai...!!!

2

Reply

Quote

Hussain

@.Hussain.

IF-Stunnerz

Posted: 11 years ago

Kehnay Ko Us Se Mera Koi Wasta Nahi
'Amjad' Magar Wo Shakhs Mujhay Bhoolta Nahi
Darta Hoon Ankh Kholo'n To Manzar Badal Na Jaye
Main Jaag To Raha Hoon Magar Jaagta Nahi
Aasguftgi Se Uski Usay Bewafa Na Jaan
Aadar Ki Baat Aur Hai Wo Dil Ka Bura Nahi
Tanha Udaas Chand Ko Samjho Na Be-Khabar
Har Baat Sun Raha Hai Magar Bolta Nahi
Khamosh Ratjago'n Ka Dhuwan Tha Chaar Su
Nikla Kab Aaftab Mujhay To Pata Nahi
'Amjad' Wo Ankhein Jheel Si Gehri To Hain Magar
Un Main Koi Bhi Aks Meray Nam Ka Nahi...!!!

2

Reply

Quote

Hussain

@.Hussain.

IF-Stunnerz

Posted: 11 years ago

Qurb Ke Na Wafa Ke Hotay Hain
Saray Jhagray An'a Ke Hotay Hain
Baat Niyat Ki Sirf Hai Warna
Waqt Saray Dua Ke Hotay Hain
Bhool Jatay Hain, Mat Bura Kehna
Log Putlay Khata Ke Hotay Hain
Wo Bazahir Jo Kuch Nahi Lagtay
Unsay Rishtay Bala Ke Hotay Hain
Wo Hamara Hai Is Tarha Se 'Faiz'
Jaisay Banday Khuda Ke Hotay Hain...!!!

2

Reply

Quote

Hussain

@.Hussain.

IF-Stunnerz

Posted: 11 years ago

Meray Hamsafar Teri Berukhi Dil-E-Mubtala Ki Shikast Hai
Isay Kis Tarha Main Kahoon Fatah Ye Meri An'a Ki Shikast Hai
Tu Chala Gaya Mujhay Chor Kar Mainay Phir Bhi Tujhko Sadayein Di
Meray Hamsafar Tu Ruka Nahi Ye Meri Sada Ki Shikast Hai
Tujhay Laa Ke Dil Main Bitha Diya Tujhay Raz Har Ek Bata Diya
Tu Ne Phir Bhi Koi Wafa Na Ki Ye Meri Wafa Ki Shikast Hai
Main Chiragh-E-Kund Mijaaz Tha, Tujhay Bijliyo'n Ki Talab Rahi
Mujhay Andhiyo'n Ne Bujha Diya Ye Meri Ziya Ki Shikast Hai
Mujhay Is Tarha Na Sataogay Mujhay Zoam Tha Ke Na Aaogay
Mera Ghalat Wehem-O-Guman Hai Ye Meri Inteha Ki Shikast Hai
Mujhay Koi Tujhsay Gila Nahi Tu Mila Tha Kab Ke Bichar Gaya
Meray Jurm Ki Hai Yahi Saza Ye Meri Saza Ki Shikast Hai
Meri Khamoshi Ka Bayaan Tu Samjh Ke Bhi Na Samjh Saka
Meray Ansuo'n Ka Payaam Hi Dil-E-Be-Nawa Ki Shikast Hai
Gham-E-Dastan-E-Hayat Ke Sab Hi Tazkiray Hue Rayega'n
Meray Charagar Tera Ye Hunar Meri Har Dua Ki Shikast Hai...!!!

2

Reply

Quote

Hussain

@.Hussain.

IF-Stunnerz

Posted: 11 years ago

Meri Neend Mujhsay Bichar Gayi, Meray Khwab Mujhsay Juda Hue

Ye Bada Hi Gham Ka Muqaam Hai, Zara Laut Aa Main Udaas Hoon

Koi Phoot Phoot Kar Ro Raha Hai Ab Talak Meri Zaat Main

Meray Dil Main Ek Kohraam Hai, Zara Laut Aa Main Udaas Hoon

Teray Dum Se Zinda Hoon Aj Bhi, Tu Hi Zindagi Ki Ummeed Hai

Teray Baad Jeena Haraam Hai, Zara Laut Aa Main Udaas Hoon

Meri Zindagi, Meri Bandagi, Meri Khwahishein, Meri Chahatein

Meri Har Khushi Teray Nam Hai, Zara Laut Aa Main Udaas Hoon

Ek Pal Faqat Mera Saath De, Meray Dil Ko Kuch To Sukoon Milay

Meri Zindagi Ki Ye Shaam Hai, Zara Laut Aa Main Udaas Hoon...!!!

2

Reply

Quote

Shayri ( My Collection) - Page 6

Related Topics