~Shair e Mashriq~ Dr Allama Iqbal ~Jawab E Shikwa - Page 5

First Previous

page

Frequent Posters

.ButterCup.

@.ButterCup.

IF-Rockerz

Posted: 10 years ago

Pak Hai Gard-e-Watan Se Sirr-e-Daman Tera

Tu Woh Yousaf Hai Ke Har Misr Hai Kinaan Tera

Qafila Ho Na Sake Ga Kabhi Weeran Tera

Ghair Yak Bang-e-Dara Kuch Nahin Saman Tera

Nakhl-e-Shama Asti-o-Dar Shaola Dawad Resha-e-Tu

Aaqbat Soz Bawad Saya-e-Andesha-e-Tu

Quote

.ButterCup.

@.ButterCup.

IF-Rockerz

Posted: 10 years ago

Tu Na Mit Jaye Ga Iran Ke Mit Jane Se

Nasha-e-Mai Ko Ta'aluq Nahin Pemane Se

Hai Ayan Yorish-e-Tataar Ke Afsane Se

Pasban Mil Gaye Kaabe Ko Sanam Khane Se

Kashti-e-Haq Ka Zamane Mein Sahara Tu Hai

Asr-e-Nau Raat Hai, Dhundla Sa Sitara Tu Hai

Hai Jo Hangama Bipa Yorish-e-Balghari Ka

Ghafilon Ke Liye Pegham Hai Baidari Ka

Tu Samajhta Hai Ye Saman Hai Dil Aazari Ka

Imtihan Hai Tere Isaar Ka, Khud-Dari Ka

Quote

.ButterCup.

@.ButterCup.

IF-Rockerz

Posted: 10 years ago

Kyun Harasan Hai Saheel-e-Faras-e-Aada Se

Noor-e-Haq Bujh Na Sake Ga Nafs-e-Aada Se

Chashme-e-Aqwam Se Makhfi Hai Haqiqat Teri

Hai Abhi Mehfil-e-Hasti Ko Zaroorat Teri

Zinda Rakhti Hai Zamane Ko Hararat Teri

Koukab-e-Qismat-e-Imkan Hai Khilafat Teri

Waqt-e-Fursat Hai Kahan, Kaam Abhi Baqi Hai

Noor-e-Touheed Ka Itmam Abhi Baqi Hai

Misl-e-Bu Qaid Hai Ghunche Mein, Preshan Ho Ja

Rakht Bar Dosh Hawaye Chamanistan Ho Ja

Hai Tunk Maya To Zarre Se Byaban Ho Ja

Naghma-e-Mouj Se Hangama-e-Toofan Ho Ja!

Quwwat-e-Ishq Se Har Past Ko Bala Kar De

Dehr Mein Ism-e-Muhammad (S.A.W.) Se Ujala Kar De

Quote

.ButterCup.

@.ButterCup.

IF-Rockerz

Posted: 10 years ago

Ho Na Ye Phool To Bulbul Ka Tarannum Bhi Na Ho

Chaman-e-Dehr Mein Kaliyon Ka Tabassum Bhi Na Ho

Ye Na Saqi Ho To Phir Mai Bhi Na Ho, Khum Bhi Na Ho

Bazm-e-Touheed Bhi Dunya Mein Na Ho, Tum Bhi Na Ho

Khema Aflak Ka Istada Issi Naam Se Hai

Nabz-e-Hasti Tapish Aamadah Issi Naam Se Hai

Quote

.ButterCup.

@.ButterCup.

IF-Rockerz

Posted: 10 years ago

Dasht Mein, Daman-e-Kuhsar Mein, Maidan Mein Hai

Behr Mein, Mouj Ki Aghosh Mein, Toofan Mein Hai

Cheen Ke Shehr, Maraqash Ke Byaban Mein Hai

Aur Poshida Musalman Ke Iman Mein Hai

Chashm-e-Aqwam Ye Nazara Abad Tak Dekhe

Riffat-e-Shan-e-Rafaana La Ka Zikrak' Dekhe

Quote

.ButterCup.

@.ButterCup.

IF-Rockerz

Posted: 10 years ago

Mardam-e-Chashm-e-Zameen Yani Woh Kali Dunya

Woh Tumhare Shuhada Palne Wali Dunya

Garmi-e-Mehr Ki Parwarda Hilali Dunya

Ishq Wale Jise Kehte Hain Bilali Dunya

Quote

.ButterCup.

@.ButterCup.

IF-Rockerz

Posted: 10 years ago

Tapish Andoz Hai Iss Naam Se Paare Ki Tarah

Ghouta Zan Noor Mein Hai Aankh Ke Tare Ki Tarah

Aqal Hai Teri Sipar, Ishq Hai Shamsheer Teri

Mere Darvaish! Khilafat Hai Jahangeer Teri

Quote

.ButterCup.

@.ButterCup.

IF-Rockerz

Posted: 10 years ago

Ma Siwa Allah Ke Liye Aag Hai Takbeer Teri

Tu Musalman Ho To Taqdeer Hai Tadbeer Teri

Ki Muhammed (S.A.W.) Se Wafa Tu Ne Tau Hum Tere Hain

Yeh Jahan Cheez Hai Kya, Loh-o-Qalam Tere Hain

Quote

1 2 3 4 5