husn par e'tibaar had kar dii | Sher O Shayri

page

of

1

Rekhta

@Rekhta

Newbie

Posted: 10 years ago

husn par e'tibaar had kar dii

aap ne bhii 'figaar' had kar dii

aadmii shaahkaar-e-fitrat hai

mere parvardigaar had kar dii

shaam-e-Gam sub.h-e-hashr tak pahu.nchii

ai shab-e-intizaar had kar dii

ek shaadii to Thiik hai lekin

ek do tiin chaar had kar dii

zauja aur rickshaw me.n are tauba

daashta aur ba-kaar had kar dii

chhe mahiine ke baad niklaa hai

aap kaa hafta-vaar had kar dii

ghar se bhaage to ko.ii baat nahii.n

zindagii se faraar had kar dii

ek misre me.n masnavii likh dii

is qadar iKHtisaar had kar dii

kyaa murassaa Gazal kahii hai 'figaar'

aaj to tuu ne yaar had kar dii

2

Reply

Quote

Frequent Posters

manisha sawant

@Manu_986

IF-Dazzler

Posted: 10 years ago

Superb shayari dear
👏 👏 👏

Reply

Quote

Rekhta

@Rekhta

Newbie

Posted: 10 years ago

nazzaara-e-jamaal ne sone nahii.n diyaa

shab bhar tire KHayaal ne sone nahii.n diyaa

pahle naved-e-vasl mirii niind le u.Dii

phir nashsha-e-visaal ne sone nahii.n diyaa

jis roz us ke jhuuT kii sachchaa.iyaa.n khulii.n

suqraat kii misaal ne sone nahii.n diyaa

kis KHuub-suuratii se judaa kar diyaa hame.n

dushman ke is kamaal ne sone nahii.n diyaa

jo bhiik maa.ngte hu.e bachche ke paas thaa

us kaasa-e-savaal ne sone nahii.n diyaa

shab bhar mai.n jaagtii rahii jis ranj ke sabab

din ko bhii us malaal ne sone nahii.n diyaa

kitnii thakan safar kii thii par vaapsii kii shaam

is shauq-e-arz-e-haal ne sone nahii.n diyaa

'ruuhii' mai.n KHvaab-e-ishq se jaagii to us ke baad

kitne hii maah-o-saal ne sone nahii.n diyaa

Reply

Quote