Chapter 7Rishi apne aadmionko phone lagatha hain. Usse pata chalta hain ki Aditya Kapoorne abhi tak bahot sari masoom ladkionko fasaya hain aur wo ek no. ka womanizer hain. Wo aur uske friends milkar drugs ki smuggling karte hain. Rishi yeh sab jankar shock hota hain aur uske samne bar bar Indira ka chehra aata hain. Nahi... mujhe kuch bhi karke Indira ko uss Adityase dur karna hi padega. Me abhi auntyjiko sab batata hu aur wo Kutumb ko phone karne lagta hain. Par...par kya abhi unko batana thik rahega? Agar maine abhi unko bataya toh woh bahot pareshaan hongi aur agar unhone unclejiko bataya toh woh Indiraka gharse bahar janahi band kar denge aur unki aur Indira ki dooriyaan aur badh jayengi. Isse achha hain pehle me khud Indirase baat karta hu. I am sure wo meri bat samaj jayegi. Haan yahi sahi hoga. Rishi apne khayalonme itna khoya tha ki usse Indiraka cabin me aana bhi dhyan nahi aaya. Rishi... Rishi...Indira usse hilati hain. Rishi kaha kho gaye ho tum? Rishi jerkse Indirake taraf dekhta hain. Kya hua Rishi? Tum aise kyu dekh rahe ho? Koi badi problem hui hain kya? Rishi apna sar hilata hain. Nahi...Indira wo... wo Aditya...
Indira : Aditya chala gaya. Tumhe pata hain Rishi Aditya bahot achha insaan hain. Wo meri chhoti si chhoti bat turant samajta hain. Me bahot lucky hu jo mujhe uske jaisa pyar karnewala ladka mila hain.
Rishi : Kya karta hain wo Indira?
Indira : Matlab?
Rishi : Mera matlab hain ki wo kya kam karta hain?
Indira : Actually wo abhi job dhundh raha hain. Pehle wo jiss company me kam karta tha na uss companyme kuch problem hui thi aur wo company dub gayi. So ab wo apne liye dusra job dhundh raha hain.
Rishi : Achha... aur uske ghar wale?
Indira : Rishi... uske gharwale nahi hain wo anath hain. Shimla ke ek anath aashram me pala bada hain aur bad me khudko settle karne ke liye yaha Mumbai me aaya hain. Usne apne jindagi me bahot dukh dekhe hain.
Rishi : Hmm par dukh aur sukh jindagi ke do pehlu hain na. Waise tum aur wo kab mile? I mean tum log ek dusrese pehle kab mile?
Indira : Do saal pehle humari mulakat hui thi. Wo din mujhe achhese yaad hain. Dadaji ke barsi ke din me, aur maa papa anathashram me gaye the tab Adi bhi waha aaya tha. Tab humari mulakat hui.
Rishi : Achha matlab sirf in do saalonme tumhe usse pyar bhi ho gaya? Indira uske taraf confuse ho kar dekhti hain. Mera matlab tha ki maine suna hain ki pyar jab hota hain tab kuch samay lagta hain. matlab ehsaas hone me bahot time lagta hain. Toh sirf do saal me pyar...kuch kyada jaldi nahi hogaya? Indira iss bat pe jor se hasne lagti hain. OMG dekho mujhe pyar ke bareme kon puch raha hain The great Mr. Rishi Kumar jo in sab batonse pehle bhagte the ab bahot kuch janana chahte hain. Kya baat hain Mr. Rishi...kahi kisi ladkipe dil toh nahi aa gaya na aapka jo itna sab puch rahe ho. Rishi usse smile deta hain. Nahi...nahi wo toh bas aisehi puch raha tha. Agar future me mujhe kisise pyar hua toh you know...ye sab baate pata honi chahiye na isiliye... bataona tum dono me itne jaldi pyar kaise ho gaya?
Indira : Rishi tum bhi na aise sawal kabhi koi ladkionse nahi puchta hain. Par chalo ab tum mere dost ho toh tumhe bata deti hu. Rishi pyar aise keh kar nahi hota hain. Ye baat toh dil ki hain. Jab pyar hota hain na tab sari duniya khoobsurat lagne lagti hain. Aur jo tumne sawal puchha tha na ki itne jaldi pyar kaise hua toh uska jawab me toh yahi dungi ki hum dono ek dusreko achhese jaan gaye the, hum dono ke dilone jaldise ek dusreko pasand kar liya aur fir humne bhi jaldise yeh baat accept kar li aur confess kar diya.
Rishi : Matlab tum dono ne bahot jaldi jaldi sab kiya. Waise jaldbaji achhi nahi hoti aur pyar ke mamleme toh bilkul bhi nahi. Sahi kaha na maine?
Indira : Haa par agar dilne accept kar liya ek dusre ko toh usse chupana bhi toh achhi baat nahi hain. Samaje ya nahi?
Rishi : Haa samaj gaya. Par Indira kya tumne sach me Adityako achhese pehchan liya? I mean pyar toh thik hain par as a person tumhe Aditya kaisa laga? Uske friends, ya fir wo jiss companyme kam karta tha waha ke uske friends kisise toh tum mili hogi na? Indira thori der sochti hain. Nahi...usne kabhi milwaya toh nahi. Par wo humesha kehta hain ki uska koi bhi aisa close friend nahi hain. Jabse me uski jindagime aayi hu tabse me hi uskeliye uski dost , uski humdard hu. Jitna maine usse samjha hain utna abhi tak kisine bhi usko nahi samjha.
Rishi : Hmmm..matlab wo tumhare pyarme pura fas gaya hain. Pura lattu ho gaya hain wo tumpe. Indira iss baatpe sharmati hain. Rishi Indirake taraf bahot sad se dekhta hain aur man me kehta hain Indira kash me in sab batonpe yakeen kar pata, kash tum abhi jiss Aditya ki tasveer mere samne bana rahi ho waisa wo hota, par wo waisa bilkul bhi nahi hain. Tum jiss Adityake bareme itna bhar bhar ke bol rahi ho wahi tumhe dhoka de raha hain aur kuch nahi. Wo tumhe bilkul deserve nahi karta Indira. Maine suna tha pyar andha hota hain par ab dekh bhi raha hu. Tum toh aisi nahi ho par pyar ke mamleme tum bahot bholi nikali. Tum Adityake pyar ke jaal me puri fas gayi ho aur ussne tumhe apne jhanse me aise lapeta hain ki koi chahkar bhi tumhe nahi nikal sakta. Par me tumse wada karta hu me tumhe uske jhanse se nikal kar rahunga. Uska asli roop tumhare samne lakehi rahunga. I promise. Indira wapas Rishi ko awaj deti hain Kaha kho rahe ho bar bar tum?
Rishi : Kuch nahi. Waise me tumse bahot naraj hu Indira.
Indira : Kyun? maine kya kiya ab?
Rishi : Tum itne dinose Adityase pyar karti ho par ek bar bhi mujhe nahi bataya.
Indira : Are aisi koi bat nahi thi.
Rishi : Haan...haan pata hain ab kya jab pyar mila hain toh dostke taraf kyun dhyan dogi tum?
Indira : Aisi koi baat nahi hain. Aur agar mujhe tumse chupanahi hota toh me aaj usse tumhe kyun milwati?
Rishi : Haan yeh bhi sahi hain. Par tumne mujhe pehle kyun nahi bataya yeh bolo. Socho agar me tumhe propose karta aur tab mujhe tum yeh sab batati toh meri haalat kya hoti?
Indira : Kya?? Tum... tum mujhe propose karte?
Rishi : Haan.. kyun nahi kar sakta kya?
Indira ek bar Rishi ko achhese dekhti hain emmm kar sakte ho waise par nahi bhi kar sakte...
Rishi : Hmmm...sahi kaha nahi kar sakta. Dost ho toh itna rok jharti ho socho agar lover hoti toh mera jeena haram karti tum.
Indira : Excuse me..
Rishi : Kya excuse karu? sahi kaha hain maine.
Indira : Ab bahot hua yeh sab. Chalo ab kuch kam bhi karle?
Rishi : Haan toh kam toh karnahi hain na wo bhi bahot important kam karna hain. Aur wo dono kam karne lagte hain.
Rishi apne aadmiyonse Adityake ghar ka pata nikalwata hain aur rat ko uske ghar jata hain. Aditya Rishi ko dekh kar shock hota hain. Are Rishi aap...aap aise achanak mere ghar me...
Rishi : Haan wo thora kaam tha. Kya aap mujhe andar nahi bulayenge? Aise bahar hi mujhe khada rakhenge?
Aditya : Oh so sorry... aayiye na...please welcome. Tabhi waha ek ladki aati hain. Kaun hain Adi itni raat ke? Rishi uss ladki ke taraf dekhta hain aur ladki ka huliya dekh kar Adityake taraf dekhta hain Yeh kaun hain?
Aditya : Wo...wo...ye...ye meri behen hain.
Rishi : Behen? Par Indirane bataya tha ki aapka koi rishtedaar nahi hain. Aap akele ho.
Aditya : Haan...wo...wo ye actually...actually meri durki behen hain. Wo aajhi aayi hain yaha. Rishi ek bar wapas uss ladki ke taraf dekhta hain. I am sorry to say par tumhari behen kafi bold hain. I mean aise kapde aur yeh sab...
Aditya : Haan wo...wo actually foreign se aayi hain na isiliye... aur wo ladkiko aankhose andar jane ko kehta hain. Ladki gusse se uske taraf dekhti hain. Rishi yeh sab notice karta hain. Lagta hain aapki behen aapse gussa hui hain bahot.
Aditya : Ji haan...wo...wo itne din bad aayi hain na toh me usse time hi nahi de paa raha hu isiliye thori gussa hain. Aap... aap aayiye na bethiye aur wo sope se saman hatata hain. Sorry haan wo thora ghar sab bikhra hua hain. Aap bethiye..me abhi aata hu aur wo andar jata hain. Rishi ek bar hall me dekhta hain aur samne tipoy pe Aditya ki photo dekhta hain Ghar toh bilkul bikhra hua hain hi. Par beta ab jaldise tumhari jindagi bhi aisehi bikhar jayegi kyun ki iss bar tumne jiss ladki ki jindagi barbad karneki sochi hain na wo meri dost hain. Aur me apne dost ki jindagike sath tumhe khilwad bilkul nahi karne dunga. Ab bas tum dekhte jao ye RK kya kya karta hain aur wo Aditya ke photo ko dekh kar hasta hain.
comment:
p_commentcount